مشكله في الحراره و مرفق تقرير الفحص

السلام عليكم و رحمة الله و بركاته

اخواني انا معاي لكزس 430 ال اس .. امريكي

السيارة كانت معاي مافي احسن منها .. قبل شهر تقريبا دخلت في حفره و انشق الرديتر حق السيارة من تحت .. و ارتفعت حرارة السيارة وما انتبهت للحراره الا لما طفت السيارة من نفسها .. و اشتغلت عندي لمبه اسمه VSC OFF

المهم صلحت الرديتر .. و راعي الرديتر اول ما صلح الرديتر قالي عندك الطرمبه حق المويه خربانه ..
انا ما صلحت الطرمبه .. لان على كلام اخوياي .. اذا ما تسمع صوت الطرمبه و الحراره ما ترتفع فوق النص يعني مو من الطرمبه ..

قبل اسبوع رحت للبلاد لكزس اللي بالرياض .. فحص السيارة و غيرت الكويلات و البواجي و تنظيف دعسه و فلتر ثلاجه مع وجه .. كان يهرب زيت من فوق المكينه على البواجي .. مع حساس ..

و انا اتكلم مع المهندس .. اعطاني تقرير الفحص .. قلت له حق ايش هذي
P0125 Toyota - Insufficient Coolant Temperature for Closed Loop Fuel Control

قالي هذي حق طرمبة المويه .. و خليته يغير الطرمبه و غيرت معاها سير التايمن و البكرات ..

المكشله الي الان اللمبه ما اختفت .. حق VSC OFF
و الحراره على النص و فوق النص بشي خفيف .. مع انها في السابق ما كانت كذا ..

غيرت غطا الرديتر و غيرت البلف مع الربله .. و برضو نفس المشكله

مرفق صورة التقرير .. اللي واضح فيه حساس الشكمان P0141 .. و هذي مشكله موجوده في اي سيارة امريكيه ..
وفيه صوره لمشكله الكويلات و البواجي P1305 .. و الحمد لله تم تصفيتها ..

بس باقي مشكله اللي تقريرها P0125

بحثت في النت ولقيت هذا الرد .. بس ما اعرف انجليزي كثير .. و الي الان في نفس المشكله ..

كل ما اروح عند مهندس يقولي حرارة السيارة طبيعيه .. و انا متأكد انها مو طبيعيه بالذات اني مستخدم السيارة من 7 سنوات .. ومتأكد من حرارتها مو طبيعيه .. بالنسبه لي حرارتها الطبيعيه على خط النص بالضبط او تحته بشي بسيط ..

اذا في قطعه نسيتها .. ارجو ابلاغي .. او اذا في احد يعرف وش حل التقرير اللي مكتوب .. او يعرف حل لمشكلتي يفيدني ..

via تويوتا العربية - TOYOTA4arab.com http://ift.tt/1PW773J