استفسار مشكلة في شاشة الاند gx-r 2015ا لبريمي شد بلد

بسم الله الرحمن الرحيم

مساكم الله بالخير جميعا ...

ندخل بالموضوع دووغري

انا ياطويلين الاعمار اخذت لاندكروزر gx-r بريمي اصفاار وبعد فتره بسيطة الشاشة بدت تنخبق احيان تعلق واحيان تطفي وتشتغل من حالها واخر شي طفت نهائيا ولا تقبل أي اوامر يعني شاشة سودااء طافية نهائيا جربت اني افصل اصبع البطارية قلت ممكن تكون برمجة ولا نفع حاولت فيها يمين يسار مافية فايدة وديتها لابو جميل رفظ يستقبل السيارة بحجة انها خليجية اخذت الفني معي للسيارة بس ابية يعلمني وش المشكلة وقالي الفني احتمال كبير يكون الاي سي الاساسي عطلان بحثت بالنت لعلي اجد حل لها المشكلة حصلت ناس كثير يقولون العضيب يضمن البريمي ل20الف كيلو وديتها العضيب قالولي حنى انفصلنا عن البريمي ولاعاد نضمن لاكن اذا تبي الفني يشوفها تخليه يشوفها قلت خله يفحصها بعد مافحصها قال ان الاي سي الاساسي عطلان ولايمكن تصليحه يعني لازم تغير اللوحة الام كاملة مع الاي سي عشان تشتغل وقالة للمعلومية ((((ترا الشاشة الي على موتررك صناعة تايوانية وليسة يابانية ماصدقتة وقلت اتاكد بنفسي وفعلا مكتوب ع الشاشة صناعة تيوانية )))) حاولت ادور احد عندة صيانة لنفس الشاشة ماحصلت لانها جاية شد بلد مع الموتر

سؤالي : وش الحل مع الشاشة .. يعني لو اتصلت بالبريمي هل من الممكن يعوضوني بشاشة جديدة ؟

او هل من الممكن يسوونلي صيانة لها ..

وياليت اذا احد عندة خلفية عن الشاشات يفيدني وين احصل قطع غيارها ووش الحل والله لايهينكم ...

via تويوتا العربية - TOYOTA4arab.com http://ift.tt/1Kgvhr5