استفسار مجموعة استفسارات ارجو الرد عليها لانها فاقعة مرارتي !

السلام عليكم ورحمة الله وبركاته

اخواني الاعزاء عندي لكزس ls 430 2006 أمريكي

الموتر ماشالله بس عندي بعض الملاحظات عليه رغم اني محافظ عليها

أولاً: ارتفعت الحرارة فجأه كذا لدرجة كاملة فوق النقص والحمد لله لاحظت قبل ماتخبط المكينة. شيكت موية علبة الرديتر ولقيتها فاضية (موية الرديتر اللي استخدمها الحمراء حقت الوكالة والرديتر نفسه فتحت الغطا لقيته ماشالله صافي يعني مايحتاج تصييخ، المشكلة انها تفضى في خلال ساعتين ووديتها ميكانيكي تركي ممتاز يقول

انو المروحة اللي تبرد على الرديتر مدري المكينة موقفة وحده منها ويبغاله تغيير دينمو. رحت الوكاله قالوا الدينمو ب 800 ريال وطلبيه ورحت وكيل ثاني لقيته نفسه ب 630 ومتوفر وقتها. المهم انو وديته له اليوم وبيركبه وبشوف. بس هل هذي هي المشكله في نقص موية علبة الرديتر وارتفاع الحراره الغريب هذا؟

ملاحظه: انا اشك انه صادق لأن فيه صوت طالع من عند المكينة كأنه صوت البنز الشبح موديل 95 !

ثانياً: عندي القير لما أعشق احسه ممسوك بصمغ يعني ثقيل (احيانا مو دائماً)، ف وش السالفة لايكون فيه شي؟

ثالثاً: لما امشي 140 او 100 الى 120 وافرمل احصل الدركسون يتراقص قدامي !

رابعاً: عندي لمبة حمراء اللي فيها علامة التعجب (في عداد ضغط المكينة) على طول تولع وتطفي كل ثانيتين من يوم شريت السيارة مع انو مافي لمبات المحرك ولاشي ثاني شغال !


وش حلولكم يابتوع اللكازس يا اصحاب الخبره

وشكراً لكم

via تويوتا العربية - TOYOTA4arab.com http://ift.tt/1deXqBx