السياره تصدر صوت غريب + فجأه صارت ثقيله !!

السلام عليكم ورحمة الله وبركاته

كيفكم يا اخوان

سيارتي es350 2015 cc ما لها اسبوعين معي، والحمد لله كويسه
ماشيه بحدود الألف كيلو
أول مشكله لاحظتها من ثالث يوم وهي عند التسارع من 0-80 كلم بشكل قوي، أسمع طقه في نهاية الدعسة لما اوصل 80 وكأني دعست على شي .. وكم مره لاحظت هالشي وفي شوارع نظيفه!

ثاني مشكله، اليوم طلعت من المطعم وشغلتها كالمعتاد بس لاحظت إنها فجأه صارت أثقل عن العاده
قومة السياره للحين حلوه بس أبطأ من قبل، حتى الفرامل صار أثقل.. شي غريب!

وكذلك السستم حق الشاشه لما أتنقل بين القوائم صاير أبطأ شوي من صباح اليوم والفتره الماضيه !!

تأكدت أكثر من مره من هالشي.. بالذات موضوع الفرمله صار فيه مقاومه في الدعسه، مو خفيف زي قبل

وش تتوقعون المشكله ؟؟

حاجز موعد عند الوكاله على يوم السبت هذا بإذن الله، تنصحوني أأكد لهم على أشياء معينه في حال عاندوا أو شي؟

via تويوتا العربية - TOYOTA4arab.com http://ift.tt/1F4Mb5j