معلومه الحمد لله تم حل مشكلة القير

طبعاً للي مايعرف الموضوع وللفائدة كنت مسافر والجو مغبر وحار ووقفت السيارة فترة وعند التشغيل اختلف علي القير تأخر في الريوس ثم في الامام علق على نمره واحده يعني امشي والضغط 4 المهم وصلت جده ورحت لورشة كتبوا عنها الشباب وركب معي ( معلم الغفلة) وعشق ريوس وقال القير بيباي ومصر على رايه وقال مافي اي تحذير طالع لك اكيد كلامي صحيح خذ رقم واحد يجيب لك قير وكم ورشة وافقوا على كلامه وقلت الشكوى لله
طبعاً الشباب ماقصروا وعلى راسهم مشرفنا l t z وطلبوا مني عدم الاستعجال وقالوا القير مو بسهولة يخرب وكلامهم صحيح 100٪ الله يسعهدهم رحت لورشه كشف كمبيوتر واخذ 100 ريال كشف قال خلاص روح ويوم كامل كشف وراح نقولك بكل شي وخلي السيارة ومع السلامه ويمكن يكون القير خربان خوفوني بكلامهم وتركتهم

**رحت لورشة ثانية ( اذا ممكن اذكر اسمها لاني هي الي حلت المشكلة ماعندي مانع يستفيدوا منها الشباب )
المهم وعلى طول السوداني فحص كمبيوتر مجاناً وطلع نفس الكود p986
وهي مشكلة بالجيربوكس وجاء المهندس باكستاني وعلى طول رفع السيارة وفتح القير وشيك على الظفيرة وقال ملايانه زيت واكيد منها المشكلة ومع الكشف تبين ان واحد من الحساسات خربان وركبت ظفيرة جديدة للقير ب 150 ريال وحساس ب 500 وزيت وفلتر وشغل يد طلع الشغل كامل ب 1800 ريال مع قطع الغيار الحمد لله بدل قير ب 10 الف ريال وغير مضمون وياخذون قيري ويغيرون له ظفيرة ويبيعونه ب 10 الف ارجو الحذر والانتباه وطولت الموضوع للأهمية والغبنة والضيقة الي كنت فيها ...
رابط الموضوعين الي كتبتها سابقاً عن نفس المشكلة لمن لم يطلع عليها
http://ift.tt/1AejIxd
http://ift.tt/1JROcFf

via تويوتا العربية - TOYOTA4arab.com http://ift.tt/1JROcFh