اللاندكروزر عيوبه كثيره جدا ويرشح الزيت وووووووو

اخواني الكرام شريت 2012 v8 gxr طبعا محافظ عليه وبعد ما مشى اكثر من 70000 سبعين الف
اكتشفت بالصدفه انه يرشح الزيت من مقدمة الماطور رحت الشركه قلو نصلحه على الظمان
بعد اقل من 5000 رجع اازيت يرشح اكثر من اول ومن مكانين كلمت الشركه قالو جبه بس ما
فضيت مشغول الله يشغلهم المهم السياره بتنفك ثاني مرة والفك الاول اثر عليها لاني والله اني
حصلت مسامير راخيه واسلاك مجرحه وكلبسات وووو وينفك ثاني مره راح يضل مثل الددسن 84
لانهم يوم فكوه المره الاوله نثروه نثر جميع مافي الماطور اللي داخل الكبوت نزلوه برى لان مقدمة
الماطور ماتنفك الا اذا انفكت اغطية روس المكينه اقول والله اني كثرت الهرج بس وش رايكم
شيروني وش اسوي الشي الثاني الواحدمنا يغطي عيوب سيارته كان الشركه له فينا اللي يقول
القير واللي يقول الماطور واللي يقول القزاز ينسم واللي يي التنده واللي يقول رجه والليييي وووو ليش الواحد يخفي على الناس يا اخوان انشرو اي خلل في المجالس خلو الناس لا يتورطو في سياره
كلها عيوب مصنعيه لان الواحد اذا سكت حرام لان غيره بيتورط وخلوها تسيئ سمعة الزفت اللاند
والله ان النيسان والامريكي افضل منه وكل واحد يشيك على سيارته صح اكييد اكثركم يحصل ترشيح
المهم اسف على الاطاله وعطوني شوركم وسلامتكم

via تويوتا العربية - TOYOTA4arab.com http://ift.tt/1Dg12ZK