معلومه تحديث خرايط 2011 vx-r لاندكروزر + لكزس تحذير للعلم والاحاطة

السلام عليكم ورحمة الله وبركاته

بخصوص تحديث خرايط vx-r لاندكروزر + لكزس من موديل 2011 للعلم والاحاطة

تحذير لكل من يرغب تحديث خرايط سيارته سواء لكزس بجميع موديلاتها او vx-r من موديل 2011

لايفكر يجرب سيدي الخرايط المنسوخ بسيارته ... راح يعلق عليه ولايقدر يطلع السيدي

ابداً ولازم يروح لاقرب فني يفكفك علبة السيدي قطعة قطعة عشان يخرج السيدي المنسوخ...

وفي حالة التأخير او تأجيل اخراج السيدي بشكل يدوي ممكن تخرب عليك العدسة القارئة للسيدي ...

وسعر جهاز السيدي الموجود بدرج السيارة المقابل للراكب الامامي حسب كلام الفني غالي جدا مايقارب 8000 من الوكيل او مستعمل بي 3000 ريال حاولت احمل الصورة هنا مازبط معي في الموقع

الزبدة

اللي وده يحدث الخرايط ملزم انه يشتري السيدي الاصلي من الوكيل سعره تقريبا 2300 ريال

هذي كانت معاناتي مع هذا الموضوع الاسبوع الماضي

حسبي الله ونعم الوكيل في الياباني اللي اخترع هذي الحركة طيب ويش دخل امه ماشتغل السيدي طيب ليش مايطلع عادي وبسهولة عقدني وضيع يومي يوم مافكرت احدث ..... الحمدلله على كل حال

ارجووو النشر للتوعية إحتساباً للاجر

وسلامتكم

via تويوتا العربية - TOYOTA4arab.com http://ift.tt/1Hq3i7h