مساعدات هايلوكس وتجربه فاشله

كانت لي جوله سياحية في ربوع بلادي في القصيم

معي هايلوكس دبل ٢٠١٥ واحاول ان اجد حل لقساوة السياره خصوصا المرتبه الخلفيه ، كل من ركب معي قام يشتكي من غثاها

وبحكم ان كنت بالقصيم موطن الهايلوكس قلت خل نسوي بعض التعديلات لعل وعسى

قمت وبحث بالنت ووجدت اراء كثيره حول تغيير المساعدات وسحب السست

المهم لاحظت اغلب الاراء تؤيد ان تكون المساعدات الاماميه مرسيدس والخلفيه مونرو مع سحب سست التحميل اللي هي قبل السسته الاخيره من تحت

اتجهت للشارع التجاري ببريده لتنفيذ هذه التعديلات وصلت الى ورشة السيف ، قال العامل اللي بالورشه انصحك تركب قدام مساعدات مونرو وبالخلف مساعدات vxrموديل ٩٧

مع اني كنت مخطط على مرسيدس قدام ومونرو ورا

المهم قلت ياولد هذا اكيد انه ابخص مني ودايم الناس تركب عنده

رحت واشتريت مساعدات مونرو ومساعدات vxr على ماقال ، ورحت ركبتهن عن ورشه ثانيه ارخص من السيف لان تركيبهن قال ب٢٥٠ وركبتهن ب١٨٠ للاربع مساعدات مع ترهيم مساعدات الvxr

وسحبت سسته

الزبده اني مالاحظت ذاك الزود والموتر مافرق معي واجد عكس ماكنت اتمنى واتوقع

وازيدكم من الشعر بيت قرأت انه ينصح بتركيب ماصوره شكمان اماميه ورحت اخذتها من محل شكمان ، حقت وكاله مسحوب منها مادة الرصاص

وبرضه ما شفت زود بالعزم كما يقال


العوض على الله ، الظاهر الهايلوكس مالها حل

via تويوتا العربية - TOYOTA4arab.com http://ift.tt/1IW87WR