معلومه الحل النهائي ان شاء الله للريحه المخيسه اللي تطلع بعد الدعس..

السلام عليكم ورحمة الله وبركاته..

انا نزلت موضوع قبل كذا عن الريحه الكريهه واللي تشبه اكرمكم الله ريحة المجاري :SnipeR (78): كثير ناس قالو لي من دبة التلوث او من فتحات التهويه اللي بالخلف او من البطاريه او البواجي... الخ
وبالنهائيه ما طلعت الريحه من هالاشياء اللي قبل ..


... بعد كثير من البحث في هذا الموضوع ...
اخبرني شخص الله يجزاه خير ان هذي الريحه من المكيف حق السياره
المشكله بمكيفات اغلب سيارات تويوتا الجديده مافيها تصريف لماء المكيف فمن تجمع الماء هذا، داخل الليات تطلع هذي الريحه المخيسهه ( اكرمكم الله )

الحل انك اذا جيت تطفي السياره وتروح البيت افتح الهوايه يعني اترك الهوايه مفتوحه فقط وطف السياره ورح لبيتك او للمكان اللي بتجلس فيه عشان يتبخر الماء وما تتكون الروائح وحاول بعض الأحيان اذا بتشغل المكيف شغله ولكن اترك الهوايه مفتوحه لدقيقتين يعني خل الهواء يجي من برا لداخل السياره، والريحه ما راح تختفي على طول ولكن راح تختفي تدريجياً بإذن الله، انا شخصيا كنت اعاني من هالريحه كانت تطلع لي بعد ما ادعس للموتر او بعد ما اتعدى 140، واليوم جربت ولا توجججد ريححه نهائيا ولله الحمد، جربوها وان شاء الله تضبط معاكم، واسف على الاطاله، وصلى الله وسلم على نبينا محمد وعلى آله وصحبه أجمعين.

via تويوتا العربية - TOYOTA4arab.com http://ift.tt/1JbhW0C